Орусиянын мамлекеттик думасынын төрагасы: "АКШ шайлоо өткөрүүнү Кыргыз өлкөсүнөн үйрөнсө болот"

Орусиянын Мамлекеттик думасынын төрагасы Вячеслав Володин АКШ ачык шайлоо өткөрүүнү Кыргыз өлкөсү менен Казакстандан үйрөнсө болорун айтты. Бул тууралуу ал "Россия 24" телеканалына берген маегинде айткан.

Володин Мамдуманын депутаттары январь айында Жамааттык коопсуздук келишим уюмуна жана КМШ Парламенттик ассамблеясынын алкагында Кыргыз өлкөсү менен Казакстандагы шайлоодо байкоочу болушканын белгилеген.

"Жыйынтыгында шайлоолор улуттук мыйзамдарга ылайык өткөрүлгөнү белгиленди. Иш-чарада атаандаштык күч болуп, таза өттү. Бул жагынан АКШ алардан сабак алса болот. Себеби Американын эски системинде көп нерсе жабык, эл аралык байкоочулар дагы жок", - деп билдирди Володин.

Эске салсак, Кыргыз өлкөсүндө 10-январь күнү мөөнөтүнөн мурда президенттик шайлоо жана башкаруу формасын тандоо боюнча референдум болуп өттү.