Издөө салынат. Чүйдө 16 жаштагы Гүлсүнай Толкунова 26 күндөн бери дайынсыз болууда

Сокулук районунун милициясы дайынсыз болуп жаткан 16 жаштагы Гүлсүнай Толкуновага издөө салат. Бул тууралуу Чүй ОИИББинин басма сөз кызматынан билдиришти.

Маалыматка ылайык, дайынсыз болуп жаткан Гүлсүнай Толкунова 2004-жылы туулган. Ал 2020-жылдын 20-декабрында Сокулук районундагы Военно-Антоновка айылындагы үйүнөн чыгып кеткен бойдон кайрылып келген эмес.

Белгилери: бою 160-165 сантиметр, арыкчырай дене түзүлүштө, чачы узун, кара түстө, көзү кара. Кийген кийимдери: жашыл түстөгү күрмө, кара жынсы шым, кара түстөгү кроссовка.

Милиция изделип жаткан өспүрүм тууралуу маалымат билгендер болсо, төмөнкү номурларга кайрылып коюуну өтүнөт: 0(312) 60-75-67, 0-3134 5-33-80, 0(558) 86-14-86, 0(709) 35-35-29