Бишкектин Кулиев көчөсүндө 19 жаштагы кыздын телефонун уурдап кеткен шектүү кармалды

Бишкектин Кулиев көчөсүндө 19 жаштагы кыздын телефонун уурдап кеткен шектүү кармалды. Бул тууралуу милициянын кайгуул кызматы билдирди.

Маалыматка ылайык, 14-январь күнү “102” кызматына Чүй жана Кулиев көчөлөрүнүн кесилишинен чөнтөк телефон уурдалды деген маалымат келип түшкөн. Айтылган дарекке ошол замат милициянын кайгуул кызматкерлери келип, маалыматты тактаганда, 2001-жылы туулган К.А. аттуу кыз арыз менен кайрылган.

Анда ошол эле даректен болжол менен саат 15:00 чамасында белгисиз жарандар арыз ээсинин телефонун жашыруун уурдап кетишкени аныкталган. Жазылган арыздын негизинде ыкчам издөө иш-чараларын жүргүзүп, кылмыштын изи сууй электе шектүү катары 1984-жылы туулган Ж.Н. аттуу жаран кармалган.

Ленин РИИБи бул фактыны Кылмыштардын жана жоруктардын бирдиктүү реестрине каттап, сотко чейинки өндүрүшкө алган. Ал эми шектүү аталган РИИБдин тергөө кызматына өткөрүлүп берилген.