Бишкек ШИИББи маршруттук таксилердин айдоочуларына кайрылуу жасады

Бишкек шаардык милициясына шаардык кичи автобус каттамдарынын айдоочуларынын арасында жумушка чыкпоо, жол тыгындарын жаратуу жана чагымчыл чакырыктар тарап жатканы тууралуу маалыматтар келип түшкөн. Мындан улам Бишкек ШИИББи маршруттук таксилердин айдоочуларын жеке кызыкдар тараптарга жана чагымчыл күчтөргө ишенбөөгө чакырат.

"Айдоочулар коом үчүн чоң жана керектүү ишти жасап жатышат, аны эсибизден чыгарбашыбыз керек. Коомдук транспортто, шаардын көчөлөрүндө жарандардын жана балдардын коопсуздугуна коркунуч жана мамлекеттик менчикке зыян келтирген чагымчыл аракеттерди кылган учурда Кыргыз Республикасынын мыйзамдарына ылайык катуу чаралар көрүлөт", - деп жазылат маалыматта.

Бишкек ШИИББинин кызматкерлери жарандардын жана борбор калаанын конокторунун коомдук коопсуздугун толук жана зарыл көлөмдө камсыздоону улантууда.