Супер-Инфо
super.kg видео
"Китеп окууну алдыга койбогон өлкө, эч качан өнүкпөйт!". Баткендеги абалы мышык ыйлагыдай болгон китепкана (сүрөт)
Баткен облусуна караштуу Баткен районунун Кызыл-Бел айылындагы Кызыл-Бел орто мектебинин китепканасынын абалы мышык ыйлагыдай оор абалда. Чакан мекеменин абалын чагылдырган маалымат жана сүрөттөр менен Алмаз Арапов аттуу жаран социалдык тармактагы жеке баракчасына бөлүштү. Жаран Билим берүү министри Алмаз Бейшеналиевге кайрылып, бул маселени жеке көзөмөлүнө алып, карап коюусун өтүнгөн.
"Китепкананын абалы айтпасам деле көрүнүп турат. Терезелери сынган, өзү болсо кулап калайын деп араң эле турат. Кычыраган кыштын күнүндө мындай жерде иштөөгө да мүмкүн эмес. Бул сүрөттөрдөн мамлекетибиздин азыркы абалын, билимге жана китепке канчалык кайдыгер мамиле жасалып жатканын байкасак болот. Билимди жана китеп окууну биринчи орунга койбогон өлкө, эч качан өнүкпөйт да, өспөйт. Билим берүү министри Алмаз Бейшеналиев бул маселени жеке көзөмөлүңүзгө алып, карап койбосоңуз болбойт. Себеби мындай абалдагы китепканалар өтө көп", - дейт Арапов.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
14:08
2025-08-02
Рейтинг: 
0
0
Кафе клубдарды айтсаңар, бузукулуктун баары ошол жактан башталат!