Фотоальбом. Ууртундагы уячасы менен суктандырган ырчы Жийдеш Идирисованын бала кезинен эки кыздын энеси болгонго чейинки кези

Документке туулган күнү бир күн кеч жазылган ырчы Жийдеш Идирисова бүгүн, 19-январда 36 жашка толду. Аны куттуктап байланышканыбызда туулган күнү бассейнде сүзүү менен башталганын айтат.

"Ден соолукту чыңдоо үчүн сууда сүзүү курсуна барып жүргөм. Туулган күнүм сууда сүзүү менен башталды. Азыр кыздарым менен даярданабыз. Кечинде тар чөйрөдө жакындарым менен туулган күндү белгилейбиз", - дейт ал.

Жийдеш Идирисова 1985-жылы 19-январда Нарын шаарында туулган. Ырчынын бала кезден бүгүнкү күнгө чейинки сүрөттөрүн топтоп, кандай өзгөргөнүнө чогуу көз чаптыралы.

Жийдеш Идирисова "Эдем алмасы" аттуу тасманын саундтрегин аткарып, эл оозуна алынган. "Артек" музыкалык тобунда 6 жылдан ашык иштеп, андан соң "Сен" деген ыры менен жеке карьерасын баштаган.

2015-жылдын 19-декабрында Түркиянын Стамбул шаарында өткөн "Turkvizyon 2015" эл аралык сынагынын гранд-финалында мамлекетибиздин атынан чыккан ырчы Жийдеш Идирисова "Ким билет?" аттуу ырды аткарып, 1-орунду ээлеген.

Ырчы жолдошу Андрей Доргайга турмушка чыккандан 6 жыл өткөндөн кийин никесин мыйзамдаштырып, үлпөт той өткөргөн. Түгөйлөрдүн ортосунда Севара жана Адэл аттуу кыздары бар.

19-январга карата жылнаама.