Чүйдө 18 жаштагы кыз 4 айдан ашык убакыттан бери дайынсыз болуп изделүүдө

Аламүдүн РИИБи дайынсыз жоголуп жаткан 18 жаштагы Айдана Зоотпекова аттуу кызга издөө салат. Бул тууралуу Чүй ОИИББинин басма сөз кызматынан билдиришти.

Маалыматка ылайык, ал былтыр 30-августта Чүй облусунун Аламүдүн районуна караштуу Лебединовка айылындагы үйүнөн чыгып кеткен бойдон кайтып келген эмес. Учурда кыздын жүргөн жери белгисиз.

Белгилери: бою 160-165 сантиметр, орто дене түзүлүштө, чачы кыска күңүрт түстө, көздөрү кара.

Кийген кийими: Кызыл түстөгү куртка, кызыл түстөгү ак тилкеси бар жемпир, кара түстөгү бут кийим.

Милиция кызматкерлери кимде-ким сүрөттөгү кызды көргөн болсо же кандайдыр бир маалымат билсе төмөнкү байланыш номерлерине кабарлап коюуңуздарды өтүнөт: 0(312) 36-35-27, 0(999) 21-07-09, 0(709) 21-18-08, 0(550) 34-33-63, 0(778) 00-09-99 же 102 номерине.