Таппасаң сыйпалап кал. "Даканса", "соода болсун", "каппа болбо" өзгөчө дизайнга ээ байпактар коомчулуктун көңүл чордонунда

Азыркы тапта бардыгы заманга жараша. Кайсы тармакта болбосун эгерде сени "өзгөчө" көрсөтө турган нерсең болбосо, анда сен көпчүлүктүн арасынан көрүнө албайсың.

Дал ушул принципти карманып, соода жаатына өзгөчө дизайн менен кирип келген байпактар көпчүлүктүн көңүл чордонунда. Сөз болуп жаткан байпактарда кыргыз тилинде ар кандай сөздөр жазылган, эң башкысы бул байпактар Кыргыз өлкөсүндө чыгат.

Көптөгөн интернет колдонуучулар мындай өзгөчө байпактарды кийүү менен бирге алар жергиликтүү ишкерлердин өнүгүп-өсүшүнө салым кошуп жатканын белгилешкен.