Чүйдүн Жайыл районунун айылдарынын биринде эки күндөн бери суу каптап жатат (сүрөт, видео)

Чүй облусуна караштуу Жайыл районунун Новониколаевка айылын 2 күндөн бери суу каптап жатат. Бул тууралуу SUPER.KG порталына жергиликтүү тургундар билдиришти.

"Кечээ айылды суу каптап, бүгүн үй алдына чейин каптап киргенинен Өзгөчө кырдаалдар министрлигинин кызматкерлерине кайрылсак, жалгыз эле бир кызматкер келиптир. Ал техника алып келебиз деп кеткен бойдон келе элек.

Биздин айылды күн жылыгандан тарта эле ушундай суу каптап баштайт. Айыл өкмөт дагы карабай жүрөт да, каптаган суу тоодон келип жатканына байланыштуу айылдын башынан техниканын жардамы менен чоң арыктарды казып салуу керек болчу экен. Биз ага чалып айтсак, эч кандай жабдыктар жок деп жатат, керек болсо трактор дагы жок экен" - деп билдирди айыл жашоочусу.