Президенттик башкарууну колдоп 1 миллион 133 миң 485 шайлоочу добуш берди. БШК референдумдун жыйынтыгын жарыялады

Башкаруу формасын аныктоо боюнча референдумга 1 миллион 394 миң 218 адам добуш берген. Жокко чыгарылган 10 шайлоо тилкесинин жыйынтыгы киргизилген жок. Бул тууралуу бүгүн, 20-январда БШКнын отурумунда шайлоолорду уюштуруу бөлүмүнүн башчысы Төлөгөн Айтикеев бул боюнча баяндама жасап жатып билдирди.

• Президенттик башкаруу 81,30 пайыз (1 миллион 133 миң 485);
• Парламенттик башкаруу 10,90 пайыз (151 миң 931);
• Баарына каршы 4,46 пайыз (62 миң 145).

Жыйынтыгында БШКнын мүчөлөрү токтом долбоорун кабыл алышты.