МЕДИА ПОРТАЛ: "Атыңыз Чубак ажы деп, түбөлүк жашайт жүрөктө...". Дин аалымы көзү тирүү болгондо 46 жашка чыкмак

Белгилүү дин аалымы, экс-муфтий Чубак Жалилов көзү тирүү болгондо бүгүн, 21-январда 46 жашка чыкмак. Ал өткөн жылы 11-июлга караган түнү оор абалда ооруканага жеткирилип, саналуу сааттардан кийин пневмониядан улам 45 жашында каза болгон.

Каза болгондон кийин анын урматына ырчы Кызсайкал Кабылова "Атыңыз жашайт жүрөктө" аталышындагы ырын жаздырып, клип тарттырган. Ал Чубак Жалиловдун каза болгонун оор кабыл алганын, көзү тирүүсүндө насааттарын көп айтканын эскерет.

"Устаз Чубак Жалилов менен катышчубуз. Менин турмушумдагы оор күндөрдө мага насаат айтып, көп кеңештерин берди. Ата-энем айтпаган насааттарды айтты. Кыйын учурда дайыма устазга кайрылып турчумун. Ал мени шыктандырып,"чыгармачылыгыңды уланта бер, бирок хижабыңды чечпе" деп айтчу.

Ал эми ыр тууралуу айтсам, "Кыргызстан" деген чыгарма үчүн обон жаздырып жаткам. Обон даяр болгондон кийин эле устазыбыз каза болду. Мындан улам чыгарманы Чубак Жалиловго арнайын деген ой келди. Ырды ыйлап жатып жаздырдым", - деген ал.

Чубак Жалиловго арналган "Атыңыз жашайт жүрөктө" клибин шилтеме аркылуу өтүп көрө аласыз. Чыгарманын аудио версиясын бул шилтемеден угуп, көчүрүп алсаңыз болот.

Ал эми дин аалымынын өмүр таржымалы тууралуу ушул шилтемени басып өтүп, окуй аласыз.