Күз айларында аскердик кызматка 3000 жарандын чакырылышы күтүлүүдө

Быйыл күз айларында аскердик кызматка 3000, ал эми альтернативдик кызмат өтөөгө 10 миң кишинин кабыл алынышы күтүлүүдө. Бул тууралуу бүгүн, 7-октябрдагы маалымат жыйында коргоо министринин орун басары Ильясбек Субанкулов билдирди. "Биздин министрлик күзгү чакыруу маселесине көп көңүл бурат. Аскердик чакырууларга байланышкан талаш-тартыштуу маселелерди чечүү үчүн коомдук кабылдама иштейт",- деди ал. Мындан сырткары күзгү аскердик чакыруулар 1-октябрдан башталганын жана 30-октябрга чейин уланарын кошумчалады.