Өлкөдө декабрь айында COVID-19 менен ооругандардын саны ноябрга салыштырмалуу 2,7 пайызга төмөндөгөн

Өлкөдө 2020-жылдын декабрында коронавирус инфекциясы менен ооругандардын саны ноябрга салыштырмалуу 2,7 пайызга төмөндөдү. Бул тууралуу Улуттук статистика комитетинен билдиришти.

Билдирүүгө ылайык, Саламаттыкты сактоо министрлигинин маалыматтары боюнча 2020-жылдын декабрында жалпы республика боюнча коронавирус инфекция (COVID-19) оорусу менен лабораториялык жана клиникалык-эпидемиологиялык жактан тастыкталган 14 миңден ашык учур катталган.

2020-жылы аймактар боюнча коронавирус инфекциясы (COVID-19) менен ооругандардын саны

	Бардыгы			Калктын 100 миңине
	октябрь	ноябрь	декабрь	октябрь	ноябрь	декабрь
Кыргыз Республикасы	13 035	14 056	13 705	202	218	212
Баткен облусу	2 418	1 204	381	455	227	72
Жалал-Абад облусу	2 506	2 272	834	204	185	68
Ысык-Көл облусу	908	1 294	1 116	184	263	226
Нарын облусу	113	218	165	39	76	57
Ош облусу	2 508	1 335	469	185	99	35
Талас облусу	359	517	214	135	195	81
Чүй облусу	1 012	2 656	7 737	106	279	814
Бишкек шаары	2 432	3 890	2 547	234	374	245
Ош шаары	779	670	242	255	219	79

Өткөн жылдын декабрында ноябрга салыштырмалуу катталган коронавирус инфекцияларынын санынын төмөндөгөнү республиканын Чүй облусунан башка, бардык региондорунда белгиленди. Ал эми Чүй облусунда катталган учурлардын жалпы санынын жарымынан көбүн (56 пайызын) түзүү менен алардын саны дээрлик 3 эсеге көбөйдү.

Өткөн жылдын декабрында ноябрга салыштырмалуу калктын 100 миңине алганда оорулардын саны 2,7 пайызга төмөндөдү. Ал эми октябрь айына салыштырмалуу, тескерисинче, 5,0 пайызга көбөйдү.