Бишкек шаардык мэриясы бак-дарактарды мыйзамсыз кыйган муниципалитетке айып пул салды

Бишкек шаардык мэриясы тарабынан бак-дарактарды мыйзамсыз кыйган муниципалитетке айып пул салынды. Бул тууралуу мамлекеттик экологиялык техникалык инспекциясынын басма сөз кызматынан билдиришти.

Маалыматка ылайык, 18-январда Пригородное айылынын айылдык кеңешинин администрациясы мамлекеттик экологиялык техникалык инспекциясынын Аламүдүн жана Ысык-Ата райондору боюнча аймактар аралык башкармалыгына мыйзамсыз бак-дарактарды кыйып жаткандарга карата чара көрүүнү суранып арыз менен кайрылган. Бул фактыны текшерүү учурунда инспекторлор айылдык кеңештин аймагында Бишкек мэриясынын капиталдык курулуш башкармалыгы тарабынан 17 бактын мыйзамсыз кыйылгандыгын аныкташкан.

Келтирилген зыяндын ордун толтуруу үчүн муниципалитетке 36 миң 67 сом өлчөмүндө доо коюлгандыгы белгиленди.