Дүкөнгө сабиз сатып алганы барган Британия жараны чоң суммадагы акча утуп алды

Британия жараны Мартин Гилби дүкөндөн сабиз сатып алганы барып чоң суммадагы акча утуп алды. Бул тууралуу чет элдик басылмалар жазышууда.

Маалыматка ылайык, Гилби өзүнүн сүйүктүүсүнө тамак жасап берүүнү чечип, бирок үйдө сабиз калбай калганынан дүкөнгө барат. Жанында накталай акчасы жок болгондуктан сабиздин акчасын банктык картасы менен төлөөнү чечет. Бирок кассир ага карта менен төлөө үчүн кеминде 3 фунт стрелингге (болжол менен 350 сом) товар сатып алуу керектигин айтып, сабизге кошумча лоторея билетин сатып алууну сунуштайт.

"Кечки тамактан кийин лоторея эсимден чыгып уктап калыптырмын. Эртең менен туруп утушумду текшерип көрөйүн деп телефонума атайын тиркемени көчүрүп алдым. Билеттеги маалыматтарды тиркемеге киргизип, 119 миң 151 фунт стерлинг (дээрлик 14 миллион сом) утуп алганымды билдим. Алгач ишенбей кайра-кайра текшерип көрдүм, жыйынтыгында чындап эле көп суммадагы акча утуп алыптырмын", - деп кубанычын журналисттер менен бөлүшкөн Гилби.