Ысык-Көл. Каракол шаарына жакын тоодон 2 адамдын денеси табылды

5-октябрдан 6сына караган түнү Каракол шаарына жакын тоодон эки жарандын жансыз денеси табылды. Алар мурда соттолгон Рахат Мукашев (1980-жылы туулган) Түп районуна караштуу Талды-Суу айылынын тургуну жана Али Жумалиев (1965-жылы туулган), Каракол шаарынын тургуну экени белгилүү болду. Бул тууралуу Ысык-Көл облустук ички иштер башкармалыгынын басма сөз катчысы Сталбек Усубакунов билдирди. Анын айтымында, учурда Ак-Суу райондук ички иштер башкармалыгы тарабынан ыкчам тергөө иштери жүрүп жатат.