Нарын облусундагы бала бакчалардын иши февраль, март айларында толугу менен жанданат

Нарын облусунда бала бакчалар февраль, март айларында толук кандуу иштеп баштайт. Мындай маалымат Билим берүү жана илим министрлиги тарабынан бүгүн, 25-январда белгилүү болду.

Маалым болгондой, облус боюнча жалпы 136 бала бакча бар.

"Нарын облусундагы райондордун жергиликтүү штабдарынын жыйынында эпидемиологиялык абал талкууланып, бала бакчалардын ишин жандантуу маселеси каралды. Ага ылайык, бүгүндөн тарта Кочкор районундагы бала бакчалар толугу менен иштеп баштады. 1-февралдан тартып Ак-Талаа жана Жумгал райондорундагы, 15-февралдан тартып Нарын шаары жана Нарын районундагы, 21-мартта Ат-Башы районундагы бала бакчалардын иши толугу менен жанданат", - дешти мекемеден.