УМККнын Коррупцияга каршы күрөшүү кызматы Геология жана минералдык ресурстар боюнча мамлекеттик агенттиктин мурунку башчысы Учкунбек Ташбаевди камакка алды

Геология жана минералдык ресурстар боюнча мамлекеттик агенттиктин мурунку жетекчиси Учкунбек Ташбаев камакка алынганын УМККнын басма сөз кызматы билдирди. У.Ташбаевге Кылмыш кодексинин 304-беренеси (кызмат абалын кыянаттык менен пайдалануу) жана 304-берене (лицензия берүүдө кызмат абалын мыйзамсыз колдонуу) боюнча кылмыш иши козголуп, Биринчи Май райондук сотунун чечими менен УМККнын убактылуу кармоочу жайына 2013-жылдын 30-январына чейин камакка алынды. Эске салсак, Учкунбек Ташбаев мыйзамсыз лицензия бергени үчүн айыпталып, үстүбүздөгү жылдын 12-сентябрында кызматынан бошотулган.