Путин президенттик кызматтан кеткенден кийин вино жасоо менен алектенерин айтты

Орусиянын президенти Владимир Путин президенттик кызматтан кеткенден кийин вино жасоо менен алектенет. Бул тууралуу ал студенттер менен болгон жолугушууда Алексей Навальный тууралуу сөз кылып жатканда айтканын орусиялык басылмалар жазып чыгышты.

Путиндин айтымына караганда, бул тармакта ал бизнес үчүн эмес, ишкерлик кылуу максатында алектенет.

"Баарынан дагы бир гана нерсеге кызыктым, ал бизнес эмес, вино жасоо ишкерлиги. Бул ишкерликтин жакшы түрү, кайсы бир убакыттарда бул ишкерлик менен алектенгем", - деген ал.

Ошондой эле ал бизнеске эч качан кызыкпаганын кошумчалаган.

Мындан сырткары студенттер андан "хан сарай" тууралуу көрсөтүлгөн тасма жөнүндө пикирин сурашкан. Анда Путин "ал жерде менин, жакындарымдын эч кандай тиешеси жок" деген.

Эске салсак, буга чейин белгилүү орусиялык оппозициячыл саясатчы Алексей Навальныйдын жаңы иликтөөсү жарык көргөн. Аталган иликтөөдө Навальный орусиянын президенти Владимир Путинге таандык болгон хан сарай тууралуу айтып берген. Бул иликтөө тасмасына 6 күн ичинде 86 миллион кароо болгон.

Андан соң Алексей Навальныйдын "Президент Владимир Путиндин хан сарайы" деп аталган жаңы иликтөөсү чындыкка дал келбестиги айтылган.

Көп өтпөй Орусиянын президенти Владимир Путинге таандык делген хан сарай тууралуу президент студенттер менен болгон жолугушууда үн катты.