"Үч кызым үч башка ооруканада". Анжелика кыздарынын жана өзүнүн абалы тууралуу айтты

Ырчы Анжелика Кайратова өзүнүн жана 3 кызынын учурдагы абалы тууралуу өзүнүн Инстаграм баракчасы аркылуу билдирди.

"Кырсыктап калдык. Үч кызым үч башка ооруканада. Айлиним экөөбүз колубузду бекем кармашып, бири-бирибизге жардам берип жатабыз. Айымам, Элимамды сагындым. Айымкамдын колу, буту, бели сыздатып жатат. Жаным, мен үчүн баарыңар кичинекейсиңер. Жаныңарга бара албай минтип жатам. Элимамды көрүп, биринчи жүрөгүм түшкөн. Бир бети көк ала, шишиген, жаным. Белим чачырап жатса дагы кыйкыра албадым, кыздарымды коркутуп алам деп корктум. Аябай чыдамкай кыздарым өсүп келе жатыптыр. Аман болгулачы, ананайындарым", - деп жазган ырчы.

Ошондой эле Анжелика кыздары менен учурда бир аз убакыт гана видео байланыш аркылуу сүйлөшүп жаткандыгын кошумчалаган.