Белгилүү дирижёр Медет Осмоновдун апасы каза болду

Белгилүү дирижёр Медет Осмоновдун апасы каза болду. Бул тууралуу музыкант өзүнүн социалдык тармактагы баракчасы аркылуу билдирди.

"Тилекке каршы, апабыз көз жумду. Жүрөккө жасалган операция 6 саатка эмес, 12 саатка созулду. Мен ишенем дарыгерлер колунан келгендин баарын жасашты, бирок сактап калуу мүмкүн болгон жок", - деп жазды ал.

Ошондой эле Медет Осмонов операция үчүн жардам сураган кайрылуусунан кийин жарандар 400 миң сомдон ашуун жардам беришкенин кошумчалаган. "Бул биздин чыгымдардын үчтөн экисинен көбүн жапты. Жардамыңыздар жана колдооңуздар үчүн рахмат", - деп кошумчалаган Осмонов.

Белгилей кетсек, Людмила Осмонова Петр Шубин атындагы борбордук балдар музыкалык мектебинде 40 жылдан ашуун убакыттан бери сабак берип келген.