Акындар аймактарды кыдырып концерт коёт

Төкмө акындар өлкөнүн жети облусун кыдырып концерт берет. Бул тууралуу акын Баян Акматов SUPER.KG порталына билдирди.

"Буюрса, февраль айынан баштап аймактарды кыдырып, элдин көңүлүн ачып концерт коёлу деп жатабыз. Алгач эле Ысык-Көл, Нарын облустарынан баштаганы турабыз. Мүмкүнчүлүк болсо өлкөнүн булуң-бурчундагы айылдарга баруу ниетибиз да бар. Баарыбыз билгендей эле пандемиядагы жоготуулар, өлкөдөгү болуп өткөн акыркы саясий окуялар элди ансайын кайгыга чөктүрүп койду. Биздин башкы максатыбыз - капаланган карапайым элдин жарпын жазып, көңүлүн көтөрүү. Мындай учурда маданият адамдары уктап жатып алсак туура болбой калат", - дейт Акматов.