Садыр Жапаров: "Биздин бүгүнкү абалыбызды канааттандырарлык деп сыпаттагандан алысмын"

"Биздин бүгүнкү абалыбызды канааттандырарлык деп сыпаттагандан алысмын", - деп бүгүн, 28-январда ант берүү аземинде президент Садыр Жапаров билдирди.

"30 жыл бою топтолгон беш миллиард долларлык ички, сырткы карызыбызды толук төлөө милдети да менин багыма президенттигим башталган мезгилге туш келди. Ал ортодо коронавирус пандемиясы да республиканын бюджетине кескин түрдө кедергисин тийгизди. Энергетика тармагындагы абал катастрофалык кырдаалга кептелип, 137 миллиард сом карызы бар экен. Албетте, мындай абалдан чыгуу өтө оор кыйынчылык менен коштолору айкын. Ошондуктан менин алгачкы президенттик жарлыктарым кризистик жагдайдан чыгуу, экономиканы жандантуу чараларын камтууга багытталат. Ал чараларды жүзөгө ашырууда эрки күчтүү элибиздин дем-күчү, колдоосу кубат берет деп терең ишенем. Кыргыз өлкөсү 21-кылым койгон чакырыктарды туура аныктап, адекваттуу жооп беришибиз керектигин жакшы түшүнөбүз", - деди ал.