Тартип сакчылары Караколдогу митингчилерге каршы жардыргыч зат колдонууга өтүштү

Каракол шаарында митингчилер турган жерде жардыргыч заттар колдонулуп баштады. Укук коргоо кызматкерлери катуу үн чыгаруучу жардыргыч заттарды колдонуп, топтолгондор туш-тушка качышты. Муну аймактык кабарчыбыз Жанат Туратбеков кабарлады. Борбордук аянтта баш аламандык. Өзгөчө даярдыктагы аскерлер топтолгондорду таратууга аракет кылышууда. Такталбаган маалыматтарда барымтадагы Эмил Каптагаевдин бошотулганы айтылып жатат.