Издөө салабыз! 18 жаштагы Асылбек Чыраков үч күндөн бери дайынсыз болууда

18 жаштагы Асылбек Чыраковго издөө салынат. Ал 26-январь күнү болжол менен саат 17:00дө Бөкөнбаев жана Панфилов көчөлөрүнүн кесилишиндеги үйүнөн чыгып кеткен бойдон кайтып келген эмес. Бул тууралуу Коомдук коопсуздук кеңешинин социалдык баракчасына жарыяланды.

Ага ылайык, Асылбек учурда Кыргыз мамлекеттик медициналык академиясынын 1-курсунун студенти.

Өзгөчө белгилери: бою 175-180 сантиметр, арыкчырай дене түзүлүштө, чачы кара, кыска, кой көз.

Кийген кийимдери: күңүрт боз түстөгү күрмө, кара шым, сары түстөгү свитер, кара рюкзагы бар.

Изделип жаткан жаран тууралуу маалымат билгендер болсо, төмөнкү номурларга кайрылып коюуну жакындары өтүнөт: +996 755 074 720, +996 555 230 490.