Таласта 10-октябрда тынчтык митинги өтөт

Талас шаарында 10-октябрда азыркы бийликке каршы тынчтык митинги өтөт, муну облустук администрациядан ырасташты. Митингдин уюштуруучуларынын бири Өмүрбек Суваналиев, иш-чарага "Манас урпактары" биримдигинин, "Асаба" партиясынын, "Талас эли" кыймылынын жана башка оппозициялык топтордун өкүлдөрү катыша турганы айтылды. Митингде чек ара маселеси, "Жер-Үй" алтын кенин пайдаланууга берүүгө мораторий жарыялоо сыяктуу маселелер боюнча талаптар айтыла турганын аймактык кабарчыбыз Гүлназ Атантаева билдирди.