Баткен облусутук музыкалык драма театрынын кызматкери жол кырсыгынан улам каза тапты

Апаз Жайнаков атындагы Баткен облусутук музыкалык драма театрынын кызматкери Бекназар Абдырахманов 25 жашында унаа кырсыгынан улам мезгилсиз дүйнө салды. Бул тууралуу театрдын маалымат кызматы кабарлады.

"Театрыбыздын кызматкери Бекназар Гапарович кырчындай курагында, 25 жашында унаа кырсыгынан улам каза болду. Жумшактыгы, жөнөкөйлүгү, боорукердиги менен өзгөчөлөнүп турган кесиптешибизди жоготуп, учурда кабыргабыз кайышып, жүрөгүбүз канап, дүйнөбүз караңгы тартып турат. Кесиптешибиз театрда жарык берүүчү оператор кызматында эмгектенип келе жаткан. Театрыбыздын өнүгүшүнө болгон күч-аракетин жумшап, өмүрүн арнады. Анын көшөгө артындагы эмгеги эбегейсиз! Бекназардын ата-энесине, жакындарына көңүл айтабыз", - дешти мекемеден.