"Тулпар" картасын акысыз каттоо акциясы узартылды

"Тулпар" картасын акысыз каттоо акциясы узартылды. Бул тууралуу Бишкек шаардык мэриясынын басма сөз кызматынан билдиришти.

Ага ылайык, картаны түзүү үчүн "Тулпар" тиркемесин жүктөп, андан кийин жеке кабинет ачып, виртуалдык картаны акысыз жоболоштуруу керек.

"Жол кире акысын төлөө үчүн "Тулпар" тиркемесин ачып, виртуалдык картаны басуу керек. Андан соң байланышсыз төлөмдүн белгисин басып, валидаторго телефонду жакындатыңыз, анан ийгиликтүү аяктоонун сигналын күтөсүз. Телефон интернетке кошулуу болуусу зарыл.

"Тулпар" виртуалдык карта NFC колдоосу бар андроид-смартфондордун ээлери үчүн гана жеткиликтүү", - деп жазылат маалыматта.

"Тулпар" акысыз виртуалдык картасы - бул кыска аралыкта жайгашкан (10 см чейин) жогорку жыштыктагы зымсыз байланыш технологиясы. Бул кыска аралыкта жайгашкан түзмөктөрдүн ортосунда, мисалы, окурман терминалы менен уюлдук телефондун же пластик смарт-картанын ортосунда маалыматтарды алмашуу мүмкүнчүлүгүн берет.