Баасы 24 миллион доллар. АКШлык рэпер чекесине бриллиант салдырат

Lil Uzi Vert деген каймана аты менен таанымал болгон америкалык рэпер Саймер Вудс чекесине 24 миллион долларлык бриллиант салдырат. Ал маңдайына салдыра турган баалуу таштын сүрөтүн социалдык тармактагы баракчасына жарыялаган.

Чет элдик басылмалардын маалыматына ылайык, күлгүн түстөгү бриллианттын салмагы 10-11 каратты түзөт. Рэпер бриллиантты 2017-жылы бөлүп-төлөө менен алган. Эми ал баалуу таштын акчасын толук төлөгөндөн кийин аны чекесине операция жолу менен салдырууну көздөөдө. Имплантацияны белгилүү ювелир Эллиот Эллианте жасайт.

Күйөрмандарынын "бриллиантты эмнеге шакекке тагып албайсың?" деген суроосуна рэпер "чекеме салдырып алганыма караганда шакекти жоготуп алсам силер мага көбүрөөк күлөсүңөр" деп жооп берген.

Lil Uzi Vert -америкалык хип-хоп ырлардын автору. Ал "Money Longer" дебюттук сингли чыккандан кийин көпчүлүккө таанылган.