"Кайдасың?" берүүсүнөн көрчүсүз. Президенттик аппарат маалыматтык саясат бөлүмүнүн башчысы Нуркамал Асканованын өмүр баянын жарыялады

Президенттик аппараттын маалыматтык саясат бөлүмүнүн башчысы болуп Нуркамал Асканова дайындалган. Анын өмүр баянын президенттик аппараттын басма сөз кызматы жарыялады.

Нуркамал Асканова 1960-жылы Нарын облусунун Тянь-Шань районундагы 8-Март айылында туулган.

Орто мектепти аяктагандан кийин Бишкек шаарындагы Бүбүсара Бейшеналиева атындагы искусство институтунан уюштуруучу-методист адистиги боюнча жогорку билимге ээ болгон.

1993-жылы Мамлекеттик телерадио компаниясына режиссердун ассистенти кызматына кабыл алынган. КТРКнын дээрлик бардык редакцияларында иштеп, бир канча долбоорлорду ийгиликтүү ишке ашырган:

2000-2006-жылдары "Шок-Факт" көрсөтүүсүнүн алып баруучусу жана редактору;

2002-2008-жылдары укуктук багыттагы көрсөтүүлөрдүн уюштуруучусу жана режиссёру;

2003-жылы Москвадагы телекөрсөтүү кызматкерлеринин билимин өркүндөтүү институтунан таалим алган;

2007-жылы дайынсыз жоголгон жарандарды издеп, иликтеген "Кайдасың?" көрсөтүүсүнүн редактору жана уюштуруучусу;

2013-2014-жылдары Орусиянын аймагындагы кыргыз мигранттарынын турмушун чагылдырган "Кыйырдагы кыргыздар" көрсөтүүсүнүн редактору жана уюштуруучусу;

Орусиянын "Биринчи каналындагы" "Жди Меня" программасы менен, 2017- жылдан бери Кытай Борбордук телекөрсөтүүсүнүн "Жди Меня" долбоору менен ийгиликтүү кызматташып келген.

2021-жылы февраль айына чейин КТРКнын саясий-социалдык багытта иш жүргүзгөн "Маалымат" бөлүмүнүн баяндамачысы.