Борбор калаада коомдук транспорттордун санитардык абалы текшерилүүдө

Бишкекте коомдук транспорттордун санитардык абалы текшерилүүдө. Бул тууралуу Бишкек шаардык мэриясынан билдиришти.

Билдирүүгө ылайык, текшерүү иш-чарасына шаардык транспорт башкармалыгы, патрулдук милиция кызматы, Транспорт жана жолдор министрлигинин алдындагы транспорттук инспекциянын жана Мамлекеттик санитардык-эпидемиологиялык көзөмөлдөө борборунун кызматкерлери катышты. Анда автобустардын, троллейбустардын жана кичи автобустардын санитардык абалы текшерилди.

"Биз коомдук транспорттун салондорундагы санитардык абалын, тазалоочу каражаттардын болушун жана бет кап режиминин сакталышын текшерип жатабыз.

Пандемиянын шарттарын бузгандарга эскертүү берилет, эгерде кайталап мыйзам бузулган болсо Кыргыз Республикасынын "Бузуулар жөнүндө" кодексине ылайык административдик протоколдор түзүлөт", - деп жазылат маалыматта.