Кыйноолорду алдын алуу борборунун кызматкерлери Абылгазиев, Сегизбаев, Дыйканбаевден кабар алышты

Кыйноолордун алдын алуу боюнча улуттук борбордун кызматкерлери СИЗОдо отурган мурдагы өкмөт башчы Мухаммедкалый Абылгазиев, УКМКнын мурдагы башчысы Абдил Сегизбаев жана президенттин Жогорку Кеңештеги мурдагы өкүлү Курманбек Дыйканбаев менен жолугушту. Бул тууралуу бүгүн, 2-февралда кыйноолорду алдын алуу боюнча улуттук борбордон кабарлашты.

Белгилүү болгондой, анда УКМКнын СИЗОсунда камалгандардан, анын ичинде жогоруда аталган адамдардан кыйноолор, катаал мамилелер жана камакта кармоо шарттары боюнча эч кандай арыз түшпөгөнү айтылды. Зарыл болгон учурларда медициналык жардам убагында көрсөтүлүп жатканы кошумчаланды.

"Кыйноолордун алдын алуу боюнча улуттук борбордун кызматкерлери камерага барган учурда Тажикстандын жана Казакстандын жарандары УКМКнын убактылуу кармоочу жайында болуп, камакта кармоо мөөнөтүн бузгандыгы аныкталды. Аларда ПЦР тесттин жыйынтыгы жок болгондуктан Бишкек шаарындагы СИЗО-1ге өткөрүлүп берилбей турганы маалым болду", - деп айтылат билдирүүдө.