"Антпесе ызы-чуу бүтпөйт, жол тыгын күчөйт". Өзгөндө заманбап муниципалдык базар курулмай болду

Өзгөндө заманбап муниципалдык базар курулат. Бул тууралуу өкмөттүн Ош облусундагы ыйгарым укуктуу өкүлүнүн маалымат кызматы кабарлады.

Өкмөттүн Ош облусундагы ыйгарым укуктуу өкүлү Жарасул Абдураимов "Ѳзгөндө муниципалдык базар курууну баштагыла, антпесе ызы-чуу бүтпөйт, жол тыгын күчөйт. Мэрия силер шаардыктарга да, соодагерлерге да шарт түзүп берүүгө милдеттүүсүңөр. Ошол эле базардагы соодагерди өнөктөш кылгыла. Аны эсептеп чыгууга чоӊ илимдин кереги жок. Мен зарыл болсо ар бир айда келип кабар алам, кеӊеш берем. Ошону тездетебиз! Бул кооптуу, көрүмсүз, баш-аламан базар шаардын көркүн бузбоого тийиш", - деп билдирген.

Ѳзгөн базары 1986-жылы курулган, 1990-жылдары менчиктештирүү иштери башталган. Сот процесси бир нече жолу болуп, көпчүлүк документтер табылбай бир нече тарап талашып чуу жаратып, салык жашырылып, коопсуздук эрежелери бузулган. Эӊ чоӊ көйгөй - жол тыгындарын жаратып ыӊгайсыздык жаратууда. Мындан сырткары, Ош облусунун башчысы Жарасул Абдураимов инвестор тартуу боюнча сүйлөшүп жатканын заманбап 4 жылдыздуу мейманкана курууга инвестор бар экендигин, ал үчүн жакшы жер чечүү жагын тиешелүү тараптарга тапшырганы маалымдалды.