Бишкекте Улукбек Мариповдун өкмөт башчы болгонуна каршы митинг өтүп жатат

Бүгүн, 3-февралда Жогорку Кеңештин имаратынын алдында жаңы өкмөт башчы Улукбек Мариповдун өкмөт башчы болуп шайланышына каршы митинг өтүп жатат. Топтолгондордун саны болжол менен 40 адамга чукулдады.

Алар "Марипов кетсин!", "депутаттар кетсин!", "кадр маселсинде реформа болсун!" деген ураандар менен жапырт кыйкырып жатышат. Айтымдарында, азыркы тапта кадр маселесинде кызуу соода болуп жатат жана бул өлкө келечегине балта чабышы толук ыктымал.

Мындан улам топтолгондор президент Садыр Жапаровдон жаңы өкмөттү колдобошун талап кылышууда.