Тышкы иштер министри Руслан Казакбаевдин өмүр баяны

3-февралда Жогорку Кеңеште өкмөттүн жаңы курамы жактырылды. Тийиштүү жарлыкка президент Садыр Жапаров кол койду.

Тышкы иштер министри Руслан Казакбаев 1967-жылы 18-майда Талас областынын Кара-Буура районуна караштуу Бейшеке айылында туулган. Ал 1991-жылы Фрунзе политехникалык институтунун «Унаа жана унаа чарбалык» автоунаа куруу бѳлүмүн аяктаган, ал эми 2002-жылы Жусуп Баласагын атындагы Кыргыз Улуттук университетинин юридикалык бѳлүмүн бүтүргөн.

2004-жылы Кыргыз Республикасынын тышкы иштер министрлигинин Дипломатиялык академиясын ийгиликтүү аяктаган.

Иш тажрыйбасы:

1992-1995 - жылдары - Кыргыз Респуликасынын илимдер Академиясында алгачкы ишмердигин баштаган.

1995-1996 - жылдары – Тышкы иштер министрлигинин Консулдук башкармалыгында - үчүнчү жана экинчи катчы болуп эмгектенген.

1996-1999 - жылдары - Кыргыз Республикасынын Стамбул шаарындагы (Түркия) Башкы консулдун орун басар кызматында иштеген.

1999-2005 - жылдары - Тышкы иштер министрлигинин Консулдук кызматтын башкы башкармачылыгында – башкармачылыктын жетекчиси болуп иштеген.

2005-2009 - жылдары - Кыргыз өлкөсүнүн Стамбул шаарындагы (Түркия) Башкы консул кызматында иштеген.

2009-жылы январь-октябрь – Тышкы иштер министринин биринчи орун басары болуп дайындалган.

2010-жылы апрель – Кыргыз Республикасынын Убактылуу ѳкмѳтүнүн Тышкы иштер министринин милдетин аткаруучу кызматына дайындалган.

2010 - 2012 - жылдары – Тышкы иштер министри кызматында иштеген.

2015-жылы Жогорку Кеңештин депутаты болуп шайланган.

2020-жылы тышкы иштер министри.