Депутат Ирина Карамушкинанын балдар үйү жайгашкан жерди талашып жатканы айтылууда

"Мээрим булагы" балдар үйүндө мурда тарбиялангандар "Жогорку Кеңештин депутаты Ирина Карамушкина мекеме жайгашкан жер тилкесин тартып алганы жатат деп" деп билдиришти 8-октябрда. Светлана Науменконун айтымында, депутат ал жерди тартып алуу үчүн көп жылдан бери аракет кылып жатат. "Карамушкина Маданият, маалымат жана туризм министрлигинен балдар үйүн жаап салууну өтүнгөн. Бул аймак тарыхый-маданий деген статуска ээ экенин айтыптыр. Бирок анын максаты башка, ага ошол жер тилкеси керек. Биз ал жерди бербейбиз",- дейт Науменко.