Өкмөт башчы Улукбек Марипов актуалдуу маселелерди талкуулоо үчүн Казакстанга барат

Премьер-министр Улукбек Марипов 5-февралда Алматы шаарында (Казакстан Республикасы) өтүүчү Еразия өкмөттөр аралык кеңешинин кезектеги жыйынына катышат. Бул тууралуу өкмөттүн басма сөз кызматынан кабарлашып, жыйындын жүрүшүндө актуалдуу маселелердин кеңири чөйрөсү талкууланат дешет.

Иш-чаранын алкагында Улукбек Марипов Беларусь, Өзбекстан, Армения, Казакстан жана Орусиянын өкмөт башчылары менен жолугушуусу күтүлүүдө.

Мындан тышкары премьер-министр "Almaty Digital Forum 2021" форумунун ишине катышат.