"Сырткы сулуулуктан да, ички сулуулук маанилүү!". Айсулуу Тыныбекованын суктандырган сүрөттөрү

Кыргыз спортчусу, эркин күрөш баюнча Азиянын үч жолку чемпиону, дүйнө чемпиону, ар кандай эл аралык мелдештердеги медалдардын ээси Айсулуу Тыныбекова улуттук көйнөгү менен түшкөн сүрөтүн социалдык тармактагы баракчасына жүктөдү.

Азыркы тапта балбан кыздын катталуучулары ага көйнөк укмуш жарашканын айтып, жылуу пикирлерин калтырып жатышат.

Айсуулу Тыныбекова ар дайым кооз көйнөк кийип, жаратылыштын коюнунда түшкөн сүрөттөрүн баракчасына жүктөө менен катталуучуларын кубандырып турат. Буга чейин да анын сыя көк түстөгү көйнөгү көпчүлүктүн көңүлүн бурган.

Тыныбекова Кыргыз күрөшүнүн тарыхында биринчи жолу жана Азиянын үч жолку чемпиону аталган.

Ал олимпиадага Кыргыз өлкөсүнүн атынан катышкан биринчи балбан кыз жана 2016-жылы Азия чемпиону болгон биринчи балбан кыз.

Олимпиада оюндарына биринчи жолу 2012-жылы Лондондо катышкан учурда , ал 19 жашта болчу.
2009-жылдан бери Айсулуу республикалык же эл аралык мелдештерде сыйлык ала элек бир дагы жыл болгон эмес.

Айсулуу Тыныбекова көптөгөн спорттук сыйлыктардан тышкары "Даңк" медалынын ээси, ошондой эле Чыңгыз Айтматов атындагы Мамлекеттик сыйлыгынын ээси жана 2020-жылы Дүйнө Кубогунун алтын медалын жеңип алган.