"Тулпар" тиркемесинде автобус жана троллейбус каттамдары тууралуу кабардар болууга болот

"Тулпар" тиркемесинде эми автобус жана троллейбус каттамдары тууралуу кабардар болууга болот. Бул тууралуу Бишкек шаардык мэриясынын басма сөз кызматынан билдиришти.

Маалыматка ылайык, тиркеме аркылуу автобустарды жана троллейбустарды реалдуу убакыт ичинде көзөмөлдөп, алдын ала каттамдарды пландаштырууга болот.

"Коомдук транспорттордун жүрүшүнө көзөмөл кылуу үчүн алгач "Тулпар" тиркемесин жүктөп, жеке кабинет түзүп, андан соң маршруттар бөлүмүнө кирип, керектүү номер тандап алса болот. Көрсөтүлгөн сандар аймакта аялдамалардын санын көрсөтөт", - деп жазылат маалыматта.

Мындан сырткары аталган тиркеме бул аптада ишке киргенин, ошондой эле бир нече мүчүлүштүктөрдүн үстүндө иштеп жаткандыгын кошумчалап өтүштү.