Баткенде бир апта ичинде мас абалында унаа башкарган 18 айдоочу аныкталды

Баткен облусунун аймагында бир апта аралыгында мас абалында унаа башкарган 18 айдоочу аныкталды. Бул тууралуу Баткен ОИИБинин басма сөз кызматынан билдиришти.

Маалыматка ылайык, 1-февралдан 7-февралга чейинки аралыкта бузуулар кодексинин негизинде 907 протокол түзүлдү.

Алар:

1) Ылдамдыкты ашырып айдаган айдоочулар - 198;

2) Айдоочулук күбөлүгү жок унаа башкарган айдоочулар - 24;

3) Мас абалында унаа башкарган айдоочулар -18;

4) Айнегин караңгылаткандар - 3;

5) Убактылуу короого токтотулган унаалар - 38;

"Баткен шаары боюнча 1 жол кырсыгы катталып, 1 адам денесинен жаракат алып, ооруканага кайрылган. Ал эми Кадамжай району боюнча бир жума ичинде 5 жол кырсыгы катталып, 8 жаран денесинен ар кандай жаракат алып аймактык ооруканага кайрылышкан", - деп билдиришти Баткен ОИИБинен.