Мамлекеттик мүлктү башкаруу боюнча фондунун төрагасы Жылдызбек Исакулов кызматтан кетти

Мамлекеттик мүлктү башкаруу боюнча фондунун төрагасы Жылдызбек Исакулов өз каалоосу менен кызматтан кетүүсү тууралуу арыз жазды. Бул тууралуу аталган фонддун маалымат кызматынан билдиришти.

Жыйында Жылдызбек Исакулов кызматкерлерге колдоосу жана биргелешкен иштери үчүн ыраазычылык билдирип, фонд мамлекеттик мүлктүн сакталышы жана сарамжалдуу пайдаланылышы үчүн жооптуу экендигин белгиледи.

"Бир жарым жыл ичинде биздин фонддун иши ачык-айкын болуп, бюджеттик планды аткаруунун негизги милдетин аткардык. Ошол себептүү мындан ары дагы ак ниеттүүлүк менен ишти улантуу керек", - деп билдирди Исакулов.