Кыргыз Тышкы иштер министрлиги Садыр Жапаров Орусиянын президенти менен эмне сүйлөшө турганы жөнүндө айтып берди

8-февралда тышкы иштер министри Руслан Казакбаев Орусиянын Кыргыз Республикасындагы атайын жана ыйгарым укуктуу элчиси Николай Удовиченкону кабыл алды. Бул тууралуу аталган министрликтин басма сөз кызматынан билдиришти.

​Маалыматка ылайык, жолугушуунун алкагында тараптар эки мамлекеттин жогорку жетекчилигинин катышуусу менен өтө турган келе жаткан эң жогорку деңгээлдеги иш чаралардын сапаттуу жана мазмундуу иштеп чыгуусун талкуулашты. Кыргыз-Орус эки тараптуу өз ара аракеттенүүнүн актуалдуу маселелери жана алардын ичинде COVID-19 пандемиясынын терс кесепеттерин жеңип чыгуу маселеси, эл аралык уюмдар жана региондук бирикмелердин алкагында өз ара аракеттенүү боюнча ой пикирлер менен алмашышты.

​Руслан Казакбаев Кыргыз тарабы келе жаткан Кыргыз мамлекетинин башчысынын Орусияга иш сапарына чоң маани бергендигин билдирди. Анын айтымында, аталган иш сапар Кыргыз-Орус кызматташтыгына кошумча импульс берет жана стратегиялык өнөктөштүк рухундагы өз ара түшүнүшүү жана ишеним атмосферасындагы мындан аркы эффективдүү саясий өз ара аракеттенүүнүн негиздерин салууга мүмкүнчүлүк берет.

Орусиянын элчиси Кыргыз-Орус эки тараптуу мамилелеринин күн тартибинин актуалдуу маселелери боюнча предметтик диалогун өткөрүүгө Орусия тараптын даярдыгын билдирди жана расмий Москванын кыргыз тарабы менен белгиленген бардык маселелер боюнча маалымдай турганын билдирди.

​Мындан тышкары, тараптар бардык пландаштырылган иш-чараларды карап чыгууга, эки өлкөдөгү эпидемиологиялык кырдаалдын турукташкандыгын эске алуу менен Кыргыз-Орус кызматташтыгынын жалпы комплексин мындан ары интенсификациясына үмүттөрүн билдиришти.