"Жөө келдим". Бишкек мэриясынын астына мэр болууга татыктуумун деген адам келди

Бүгүн, 9-февралда Бишкек шаарынын мэри болуп Эрмек Нургазиев дайындалганы кабарланган. Бирок арадан 4 саат өтпөй анын мэрлик кызматтан кеткени желдей тарап, президент Садыр Жапаров дагы Нургазиевдин мэр болушу жөнүндө оюнан кайтканы соцтармактагы баракчасына жарыяланды.

Ал эми Бишкек мэриясынын астына мэр болууга татыктуумун деген Анарбек Катаганов мэриянын алдынан түз эфирге чыкты.

"Мен кечээ эле шаарды кантип өнүктүрөбүз деген оюмду өзүмдүн социалдык тармактагы баракчама жазгам. Бүгүн Балбак Түлөбаев кызматынан кетти. Менин бир топ долбоорлорум бар. Ал эң арзан долбоорлор. Эмнегедир мэрия долбоорлорумду кабыл албай жатат. Мен мэр болуп келсем ачык айтып коёюн жол кире көтөрүлөт. Бирок маршруттук таксилерге көзөмөл күчөтүлүп, алардын санын көбөйтөбүз", - деди ал.

Мындан тышкары ал мэрияга чейин жөө келгенин айтып, мэр болууга талапкерлер менен дебатка чыгууга даяр экенин айтты.