Мамлекеттик мүлктү башкаруу фондунун башчысы кызматтан кетти

Мамлекеттик мүлктү башкаруу фондунун башчысы Жылдызбек Исакулов өз каалоосу менен кызматтан кетүү тууралуу арыз жазган. Бул тууралуу мекеменин басма сөз кызматы билдирди.

Ал бул кызматта 2019-жылдын август айынан бери иштеп келген. Бүгүн, 9-февралда Жылдызбек Исакулов аппарат жыйынын өткөрүп, команда менен коштошкон.

“1,5 жыл ичинде автоматташтырууну киргизүү жана коррупциялык тобокелдиктерди жоюу боюнча бир топ иштер жасалды. Фонддун иши ачык-айкын болду. FUGI бюджеттик планды аткаруунун негизги милдетин аткарды. Демек, мындан ары дагы таза жана абийирдүү иштөө керек”, - деген Исакулов.

Фонддун башчысынын милдетин убактылуу аткаруучу болуп төраганын орун басары Ишенбек Медетов дайындалганы да маалымдалды.