Дааратканада телефон колдонуу ден соолукка кооптуу

Дарыгерлер дааратканада телефон колдонуу ден соолукка өтө кооптуу экендигин аныкташты. Бул тууралуу дүйнөлүк маалымат булактары жазып чыгышты. Маалыматка ылайык, дарыгерлер дааратканага телефон көтөрүп кирүүнү китепке алмаштырууну сунушташат.

Бул адаттан эмне үчүн баш тартуу керек?

Эгерде сиз өзүңүз менен смартфонду дааратканага алып барсаңыз, анда ал геморройдун пайда болушуна, башкача айтканда, көтөн чучуктун тамырларынын кеңейишине алып келет. Ошондуктан сиз ажатканага барар алдында телефонду өчүрүп же башка бөлмөгө таштап койгонуңуз оң.

"Геморрой көйгөйү Британияда көп кездешет. Орточо алганда, Улуу Британияда ар бир төртүнчү киши ич катуу менен жабыркайт. Мындан тышкары, дааратканага кирген смартфон микробдорду өзүнө тартып алат", - деп жазылат маалыматта.