БШК Искандер Гайпкуловдун депутаттык ыйгарым укуктарын мөөнөтүнөн мурда токтотту

Борбордук шайлоо комиссиясы Искандер Гайпкуловдун депутаттык ыйгарым укуктарын мөөнөтүнөн мурда токтотту. Бул тууралуу аталган комиссиянын басма сөз кызматынан билдиришти.

"Ата Мекен" парламенттик фракциясынан Жогорку Кеңештин депутаты Искандер Гайпкуловдун ыйгарым укуктарын мөөнөтүнөн мурда токтотуу боюнча келип түшкөн жеке арызынын негизинде мандатынан ажыратылды.

Кечээ Искандер Гайпкулов президенттин аппаратынын стратегиялык өнүктүрүү саясаты, экономика жана финансы бөлүмүнүн жетекчиси болуп дайындалган.