Бишкек мэриясында кайрадан кресло талаш: Митингчилер өздөрү туура көргөн талапкерди сунушташууда

Бүгүн, 10-февралда Бишкек шаардык мэриянын алдына 50дөй адам чогулуп, жаңы мэрдин милдетин аткаруучу болуп дайындалган Бактыбек Кудайбергеновго каршылыгын билдиришүүдө.

Митингге чыккандар өздөрү туура көргөн талапкерлерин сунушташууда. Алар "Мекенчил" партиясынын кандидаты Руслан Тагаевди туура көрүп жаткандыгын билдиришүүдө.

"Бишкек шаары өнүксүн, өссүн десеңер эл сунуштаган талапкерди колдоп берүүңүздөрдү сунуштайбыз. Ууру жегичтерди көрөлү деген көзүбүз жок. Таза, ичинде кири жок, элим деп күйгөн инсандарды алып келели. Руслан Тагаевди колдоп бериңиздер", - деген өңдүү пикирлерин айтышууда.

Белгилей кетсек, 9-февраль күнү Бишкек шаардык мэринин милдетин аткаруучу болуп Эрмек Нургазиев дайындалып, 4 сааттан соң алынган.

Бүгүн, 10-февралда мэрдин милдетин аткаруучу болуп Бактыбек Кудайбергенов дайындалган.