Айдоочуларга эскертүү: ШКУнун жыйынына карата Бишкектин айрым унаа жолдору тосулат

4-5-декабрь күндөрү Бишкекте өтүүчү ШКУнун жыйынына карата борбор калаанын айрым унаа жолдору тосулат. ИИМден билдиришкендей, 4-декабрь күнү "Манас" аэропортунун жолуна 10:00дөн 14:30га чейин чектөө киргизилсе, 5-декабрь күнү 8:00дөн 9:00гө жана 13:30дан 17:30га чейин чектөө киргизилет. Ошондой эле 4-5-декабрь күнү Фучик, Жибек Жолу, Киев, Манас, Ахунбаев, Чүй жана Байтик баатыр көчөлөрүндө да кыймыл убактылуу токтотулат.