Интернет жылдызы Байзакты Маданият министри кабыл алды

Интернет жылдызына айланган Байзак Кубанычбек уулун Маданият, маалымат, спорт жана жаштар саясатынын министри Кайрат Иманалиев кабыл алды.

Жолугушууда министр ага калпак кийигизип, калем жана китеп белек кылды.

"Өркүнүң өсүп, талантың ташкындай берсин. Эң негизгиси Кудай бергенди үндү багуу керек. Чыгармачылыкта талантты барктабаса ал жоголуп кетет. Азыртадан музыка мектебинде окусаң, мен мугалимдер менен сүйлөшөм, дагы талантыңды өстүрүп, репертуарыңды кеңейтип, алдыда мыкты ырчы болосуң деген ишенимдебиз", - деп билдирди Кайрат Иманалиев.

Ал эми Байзак мектептеги окуусун аяктаганда Кыргыз улуттук консерваторияга тапшыруу ниети бар экенин билдирди.