Жусуп Абдрахмановдун иш столу Тарых музейинин балансына өтөт (сүрөт)

Илимдер академиясы Жусуп Абдрахмановдун жеке столун Тарых музейине өткөрүп берет. Бул тууралуу Маданият, маалымат, спорт жана жаштар саясаты министрлиги кабарлады.

Маалыматка ылайык, Жусуп Абдрахмановдун тарыхый зор мааниси бар жеке столу илимдин корифейлерине көп жылдар бою кызмат кылып келген.
"Өлкөнүн өнүгүшүнө эбегейсиз салым кошкон Жусуп Абдрахмановдун жаркын элесине таазим этип, Улуттук илимдер академиясы мамлекеттик ишмердин столун Мамлекеттик тарых музейинин балансына өткөрүп берет.

Бул столдо биздин аталарыбыз - Кыргыз Совет мамлекеттүүлүгүнүн негиздөөчүлөрү отурушкан. Жакында Жусуп Абдрахмановдун 120 жылдык мааракеси болот. Столдун болжолдуу жашы дагы 100 жашта”, - деген Улуттук илимдер академиясынын тарых, археология жана этнология институтунун директору Абылабек Асанканов.
Эске салсак, президент Садыр Жапаров буга чейин “Жусуп Абдрахмановдун 120 жылдыгын белгилөө жөнүндө” жарлыкка кол койгон.